文学驿站

手机浏览器扫描二维码访问

第47页（第3页）

姚奶奶吃着，问道：“价末故歇二少爷阿曾起来嗄？”

桂生道：“倪来末刚刚起来。

说仔二奶奶来里喊我，二少爷极得来，常恐二奶奶要说俚。

我倒就说：‘勿要紧个。

二奶奶是有规矩人，常恐耐来里外头豁脱仔洋钱，再要伤身体。

耐自家（要勿）去无淘成，二奶奶总也匆来说耐哉（口宛）。”

姚奶奶叹口气道：“说到仔俚末真真要气煞人！

俚勿怪自家无淘成，倒好像我多说多话。

一到仔外头，也匆管是啥场花，碰着个啥人。

俚就说我多花勿好：说我末凶，要管俚；说我匆许俚出来。

俚也叫仔耐好几个局哉，阿曾搭耐说过歇？”

桂生道：“故是二少爷倒也匆个。

二少爷个人，说末说无淘成，俚肚皮里也明白来浪二奶奶说说俚，总是为好。

倪有辰光也劝声把二少爷，倪说：‘二奶奶勿比仔倪堂子里。

耐到倪堂子里来，是客人呀。

客人有淘成无淘成，勿关倪事，生来勿来说耐。

二奶奶搭耐一家人，耐好末二奶奶也好，二奶奶勿是要管耐，也勿是匆许耐出来，总不过要耐好。

倪倘然嫁仔人，家主公外头去无淘成，倪也一样要说个（口宛）。

’”

姚奶奶道：“难我匆去说俚哉，等俚歇末哉。

我说末定归勿听，帮煞个堂子里，拨个卫霞仙杀坯当面骂我一顿，还有俚铲头东西再要搭杀坯去点仔副香烛，说我得罪仔俚哉！

我阿有面孔去说俚？”

姚奶奶说到这里，渐渐气急脸涨，连一条条青筋都爆起来，桂生不敢再说。

当下五道大菜陆续吃毕。

桂生每道略尝一脔，转让与马娘姨吃了。

揩把手巾，出席散生。

桂生复慢慢说道：“倪勿然也匆好说，二少爷个人倒划一无淘成得野哚，原要耐二奶奶管管俚末好囗，依仔二少爷，上海夷场浪倌人，巴勿得才去做做。

二奶奶管来浪，终究好仔点。

二奶奶阿对？”

姚奶奶虽不曾接嘴，却微露笑容。

消停半刻，姚奶奶复携了桂生的手，踅出回廊，同倚栏杆，因问桂生几岁，有无父母，曾否攀亲。

桂生回说十九岁，父母亡故之后，遗下债务无可抵挡，走了这条道路；那得个有心人提出火坑，三生感德。

姚奶奶为之浩叹。