文学驿站

手机浏览器扫描二维码访问

第46页（第2页）

姚季莼道：“我也新做起。

本底子朋友来浪叫，故歇朋友荐拨我，我就叫叫末哉。”

众人皆道：“蛮好。”

说毕，客人、倌人一齐告辞，接踵下楼。

娘姨、大姐前这后拥，还不至于醉倒。

罗子富送客回房，黄翠凤窥其面色，也不甚醉，相陪坐下。

翠凤问道：“王老爷为仔啥事体，才要请俚吃酒？”

子富道：“俚要江西做官去，倪老朋友生来搭俚钱饯行。”

翠凤失声叹道：“难末沈小红要苦煞哉！

王老爷来里末，巴结点再做做，倒也无啥；难去仔，好哉（口宛）！”

子富道：“故歇个王老爷，勿晓得为啥，好像同沈小红好仔点哉。”

翠凤道：“故歇就好煞也无行用（口宛）。

起先，沈小红转差仔个念头，起先要嫁拨仔王老爷，故歇就匆要紧哉，跟得去也好，再出来也好。”

子富道：“沈小红自家要寻开心，姘个戏于，陆里肯嫁嗄！”

翠凤又叹道：“倌人姘戏子个多煞，就是俚末吃仔亏。”

两人评论一回，收拾不表。

次日是礼拜日，午后，罗子富拟作明园之游，命高升喊两把马车。

适值黄二姐走来白相，到房间里叫声“罗老爷”

及“大先生”

。

黄翠凤仍叫“无（女每）”

，请其坐下。

寒暄两句，翠凤问及生意。

黄二姐蹙额摇头道：“（要勿）说起！

耐来浪个辰光，一径蛮闹猛，故歇勿对哉，连搭仔金凤个局也少仔点。

心想买个讨人，常恐勿好末，像诸金花样式。

就实概哝下去总勿齐头。

我来搭耐商量，阿有啥法子？”

翠凤道：“故末无（女每）自家主意，我勿好说。

买个讨人也难煞，就算人好末，生意陆里说得定？我故歇也无拨啥生意。”

黄二姐寻思不语，翠凤置之不睬。

须臾，高升回报：“马车来哉。”

黄二姐只得告辞，踯躅而去。

于是罗子富带着高升，黄翠凤带着赵家（女每），各乘一把马车，驶往明园，就正厅上泡茶坐下。

子富说起黄二姐，道：“耐无（女每）是无用人，倒原要耐去管管俚末好。”

翠凤道：“我去管俚做啥！

我原教俚买个讨人，俚合勿得洋钱，勿听我闲话，故歇元拨仔生意，倒问我阿有啥法子。

再拨点洋钱俚哉囗。”