文学驿站

手机浏览器扫描二维码访问

第25页（第2页）

云甫遂别了大脚姚，出弄上车，一路滔滔，直驶进一笠园门内方停。

陶云甫、覃丽娟相将下车，当值管家当先引导，由东转北，绕至一处，背山临湖的五间通连厅屋，名曰拜月房拢。

但见帘筛花影，檐袅茶烟；里面却静悄悄的，不闻笑语声息。

陶云甫、覃丽娟进去，只有朱蔼人躺在榻床吸鸦片烟，旁边坐着陶玉甫、李浣芳，更无别人在内。

正要动问，管家禀道：“几位老爷才来浪看射箭，就要来哉。”

道言未了，果然一簇冠裳钗黛，跄济缤纷，从后面山坡下兜过来。

打头就是姚文君，打扮得结灵即溜，比众不同。

周双玉、张秀英、林素芬、苏冠香俱跟在后，再后方是朱淑人、高亚自、尹痴鸳、齐韵叟暨许多娘姨、管家。

齐集于拜月房拢，随意散坐。

陶云甫乃向姚文君道：“坎坎我自家到耐屋里去问，耐无（女每）说，癫头鼋昨日咿来，搭俚说仔倒蛮相信，就是一班流氓，七张八嘴有点闲话，我说也勿要紧。”

齐韵叟亦向陶云甫道：“再有一桩事体要搭耐说，令弟今朝要转去，我问俚：‘阿有事体？倪节浪末再要闹热闹热，啥要紧转去？’令弟说：‘去仔再来。

’难末我倒想着哉：明朝十三是李漱芳首七，大约就是为此，所以定归要去一埭。

我说漱芳命薄情深，可怜亦可敬。

倪七个人明朝一淘去吊吊俚，公祭一坛，倒是一段风流佳话。”

云甫道：“价末先要去拨个信末好。”

韵叟道：“勿必，倪吊仔就走，出来到贵相好搭去吃局。

我末要见识见识贵相好同张秀英个房间，大家去噪俚哚一日天。”

覃丽娟按说道：“齐大人再要客气！

倪搭场花小点，大人勿嫌龌龊，请过来坐坐，也算倪有面孔。”

须臾，传呼开饭，管家即于拜月房栊中央，左右分排两桌圆台。

众人无须推让，挨次就位：左首八位，右首六位。

齐韵叟留心指数，讶道：“翠芬到仔陆里去哉？今朝一径勿曾看见俚。”

林素芬答道：“俚起来仔咿困来浪。”

尹痴鸳忙问：“阿有啥勿适意？”

素芬道：“怎晓得俚，好像无啥。”

韵叟遂令娘姨去请。

那娘姨一去半日，不见回覆。

韵叟忽想起一事，道：“前日天，我听见梨花院落里，瑶官同翠芬两家头合唱一套《迎像》，倒唱得无啥。”

林素芬道：“勿是翠芬囗。

俚大曲会末会两只，《迎像》勿曾教（口宛）。”

冠香道：“是翠芬来浪唱。

俚就听俚哚教，听会仔好几只哚。”

陶云甫道：“《迎像》搭仔《哭像》连下去一淘唱，故未真生活。”